کوروناوباء نے مزید63 افراد دی جان لے لئی،جاں بحق افراد دی تعداد9 ہزار992 ہوگئی

اسلام آباد (بیورو رپورٹ)عالمی وبا کوروناوباء نے مزید63 افراد دی جان لے لئی،جاں بحق افراد دی تعداد9 ہزار992 ہوگئی۔نیشنل کمانڈ اینڈ کنٹرول سینٹر دے مطابق پچھلے24گھنٹے دے دوران کورونا دے اک ہزار776 نئے کیسز رپورٹ ہوئے تے مجموعی تعداد4لکھ 75 ہزار 85 ہوگئی اے۔پاکستان وچ کورونا دے 4 لکھ 25 ہزار 494 مریض صحتیاب ہوچکے نیں تے39 ہزار599 زیر علاج نیں۔کورونا دے سبب سبھ توں زیادہ اموات پنجا ب وچ ہوئیاں نیں جتھے 3 ہزار 959 افراد جان دی بازی ہار چکے نیں جدکہ سندھ وچ 3 ہزار502، خیبرپختونخوا وچ اک ہزار 617، اسلام آباد412، گلگت بلتستان101، بلوچستان وچ 182 تے آزاد کشمیر وچ 219 افراد جان دی بازی ہار چکے نیں۔اسلام آباد وچ کورونا کیسزد تعداد 37 ہزار390، خیبر پختونخوا57 ہزار746، سندھ 2 لکھ 12 ہزار93، پنجاب اک لکھ 36 ہزار 669، بلوچستان 18 ہزار99، آزاد کشمیر وچ 8 ہزار235 تے گلگت بلتستان وچ 4 ہزار 853 افراد کورونا توں متاثر ہوچکے نیں۔ این سی او سی دے مطابق ملک بھر وچ کورونا مثبت کیسز دی شرح 6.13 فیصد ہوگئی اے۔حکام نے عوام نوں احتیاط دا مشورہ دتا اے۔