صرف اک سگریٹ روزوار وی لت لئی بوہت اے

نارتھ کیرولینا( پنجابی میڈیا گروپ) جیہڑے لوگ ایہ آکھدے نیںکہ اوہ روز اک دو سگریٹ پیندے نیں اوہناں نوں وی نشہ لگ سکدا اے ایس گل داانکشاف پینسلوانیا اسٹیٹ کالج آف میڈیسن تے ڈیوک یونیورسٹی نے کیتا اے۔ تحقیق توں بعد آکھیا گیا اے کہ ہن اگر کوئی بندہ اک توں چار سگریٹ روزانہ پیندا اے تے اپنے آپ نوں ایس دا عادی نہیں سمجھدا تے ایہ غلط ہوئے گا کیونکہ اوہ سگریٹ نوشی دا عادی تے آپئی اوہناں نوں ایس دا احساس نہیں ہندا۔تحقیقی سروے دیسربراہ ڈاکٹر جوناتھن فولڈز آکھدے نیں کہ اکثر اسیں روز دس سگریٹ پین والے نوں ہی عادی سمجھدے آں ۔لیکن ایہ درست نہیں بلکہ کدی کدار روز اک سگریٹ پین والے وی ایس لت وچ گرفتار ہوجاندے نیں ،اک وقت ایسا آندا اے کہ سگریٹ دی تعداد ودھ جاندی اے۔