سی پیک منصوبیاں دے نال صوبے وچ ترقی دی نئی راہاں کھلن گیاں، اسد قیصر

اسلام آباد (بیورو رپورٹ) سپیکر قومی اسمبلی اسد قیصر نے آکھیا اے کہ سی پیک منصوبیاں دے نال صوبے وچ ترقی دی نئی راہاں کھلن گیاں۔و زیر اعظم پاکستان سی پیک دے منصوبیاں دی تکمیل جلد کرن لئی کوشاں نیں۔ ایہناں خیالات دا اظہاراوہناں نے سٹیئرنگ کمیٹی برائے چشمہ رائٹ بینک کنال دے دوجے اہم اجلاس وچ گل بات کردیاں ہویاں کیتا۔ اجلاس دی صدارت اسپیکر قومی اسمبلی اسد قیصر نے کیتی۔اجلاس وچ وفاقی وزیر دفاع پرویز خٹک تے معاون خصوصی ارباب شہزاد نے وی شرکت کیتی۔

اجلاس وچ اعلی حکام نے پشاور ڈی آئی خان موٹروے منصوبے اتے پیش رفت اتے بریفننگ دتی۔ اجلاس وچ دیر چکدرہ موٹروے منصوبے دی تفصیلات توں آگاہ کیتا گیا۔ صوبائی دارالحکومت پشاور لئی گریٹر سرکلر ریل منصوبے نوں عملی جامہ پہنان اتے وی آگاہ کیتا گیا۔