استعفے دین والے طلبی دے نال ہی مُکر گئے : شبلی فراز

اسلام آباد( پنجابی میڈیا گروپ)وفاقی وزیر اطلاعات شبلی فراز آکھیا اے اخلاقی جرات ہوندی تے پیپلزپارٹی دے فیصلے دے بعد پی ڈی ایم تحلیل کر دتی جاندی۔ شبلی فراز نے ٹویٹ کیتی کہ 2020وچ اپوزیشن نوں اوہناں دے غیر جمہوری ہتھکنڈیاں نے ناک آؤٹ کر دتا سرکار نوں ڈیگن لئی بنن والا اتحاد اپنے مفادات، سوچ تے بیانیے دی بھینٹ چڑھ گیا، اینی اخلاقی جرات ہوندی تے پیپلزپارٹی دے فیصلے مگروں آپ ای پی ڈی ایم نوں تحلیل کرن دا اعلان کر دتا جاندا۔ شبلی فرار دا کہنا سی ن لیگ دے جہڑے دو ارکان نے استعفے دتے ، سپیکر قومی اسمبلی ولوں تصدیق لئی طلبی دے نال ای مُکر گئے نیں۔