نویں ورھے دا تحفہ:سرکار نے اک لیٹر پٹرول 2روپے 31پیسے مہنگا کر دتا

اسلام آباد( پنجابی میڈیا گروپ) وفاقی حکومت نے عوام تے نویں ورھے دا بمب سُٹ دیاں ہویاں پٹرول دی قیمت وچ 2روپے 31پیسے دا وادھا کر دتا اے۔تفصیلات دے مطابق تحریک انصاف دی سرکار توں عوام نوں نویں ورھے دا تحفہ دے دتا گیا اے۔ سرکار ے اک لیٹر پٹرول دی قیمت وچ 2روپے 31پیسے دا وادھا کر دتا اے۔ پٹرول دی نویں قیمت 106روپے ہو گئی اے۔ دوجے پاسے ڈیزل دی قیمت وچ 8روپے 37پیسے تک وادھے دی سمری رد کر دتی گئی اے۔ وزیراعظم عمران خان نے صرف 1روپے 80پیسے تک وادھا کرن دی منظوری دتی اے جد کہ ڈیزل دی نویں قیمت 110روپے 24پیسے ہو گئی۔ دوجے پاسے وزیراعظم عمران خان نے اوگرا دی سمری جزوی طور تے رد کر دتی۔