تعلیمی ادارے بند کرن اُتے مینوں بوہت تکلیف اے : شفقت محمود

ا سلام آباد (پنجابی میڈیا گروپ)آل پرائیویٹ اسکولز ایسوسی ایشنز سپریم کونسل وفددی وفاقی وزیر تعلیم و پیشہ وارانہ تربیت شفقت محمود دے نال ملاقات ہوئی،وفددی نمائندگی افضل بابر، ملک ابرار احمد، چوہدری عبید اللہ، ناصر محمود تے ابرار احمد خان نے کیتی۔ وفد نے وفاقی وزیر تعلیم دا ساری مصروفیات ملتوی کر کے ملاقات کرن اتے اظہار تشکر کیتا تے ایہناں نوں اپنے مطالبات تے مسائل پیش کیتے۔ وفاقی وزیر تعلیم شفقت محمود نے آکھیا اے کہ رواں سال تعلیم لئی سبھ توں مشکل سال گزریا۔ تعلیمی اداریاں نوں بند کرن دا فیصلہ میرے لئی سبھ توں زیادہ تکلیف دہ سی۔وفاقی وزیر تعلیم نے وفد نوںدسیا اے کہ وزرات تعلیم از خود کوئی فیصلہ نہیں لیندی بلکہ وزارت صحت دے ڈیٹا، تے ہدایات نوں مدنظر رکھ کے فیصلہ کرنا ہوندا اے۔ شفقت محمودہوراں نے مزیدآکھیا اے کہ یو کے کرونا وائرس ویری اینٹ جہڑا کہ پاکستان وچ رپورٹ ہو چکیا اے دے متعلق وی آگاہ کیتا جہدے پھیلائو دی رفتار نان ویری اینٹ کرونا وائرس توں زیادہ اے۔ ہن چارجنوری نوں دوبارہ میٹنگ ہووے جہدے وچ فیصلہ ہووے گا کہ سکول کھولے جان کہ نہیں۔