پیپلز پارٹی فیصلہ کر چکی اے کہ استعفے نہیں دتے جان گے،وزیرخارجہ

اسلام آباد (بیور ورپورٹ) وزیر خارجہ مخدوم شاہ محمود قریشی نے آکھیا اے کہ پوری قوم نوں نئے سال دی مبارکباد دیند اواں، پارلیمنٹ ہاؤس وچ میڈیادے نال گل بات کردیاں ہویاں اوہناں نے آکھیا اے کہ پوری قوم نوں نئے سال دی مبارکباد پیش کرناں واں۔ اوہناں نے آکھیا اے کہ پیپلز پارٹی فیصلہ کر چکی اے کہ استعفے نہیں دتے جان گے تے پارلیمنٹ تے سینیٹ توں لاتعلق نہیں رہیا جاوے گا۔ اوہناں نے آکھیا ا ے کہ پیپلزپارٹی سندھ دی سرکاردی قربانی نہیں دینا چاہندی۔

ہن ویکھنا ایہہ اے کہ مسلم لیگ ن وی پیپلزپارٹی دے ایہناں فیصلیاں اتے آمادہ ہو ندی یا نہیں۔شاہ محمود قریشی ہوراں نے آکھیا اے کہ پی ڈی ایم دی قیادت نے فیصلہ کیتا سی کہ 31دسمبر تیک سارے استعفے پی ڈی ایم دے صدر مولانا فضل الرحمن دے کول جمع کروائے جان۔اوہناں نے مزیدآکھیا اے کہ جمعیت علمائے اسلام دے اندر مولانا دے بیانیے دے نال اختلاف کھل کے ساہمنے آگیا اے۔ شاہ محمود قریشی نے آکھیا اے کہ احتساب دے عمل کولوں بچن دی لوڑ نے ساریاں جماعتاں نوں اک پلیٹ فارم اتے اکٹھا کردتا اے۔ ساڈے کول عوام دا مینڈیٹ اے اسیں کیوں کسے دے آکھن اتے مستعفی ہوجایئے۔