قومی اسمبلی دے سارے استعفے آگئے نیں، عطا اللہ تارڑ

لہور(سٹی رپورٹر)مسلم لیگ نون دے رہنما عطا اللہ تارڑ نے آکھیا اے کہ ساڈے کول قومی اسمبلی دے سارے استعفے آگئے نیں، ویلا آن اتے استعفے وکھا دیا ں گے۔ لہور وچ میڈیا دے نمائندے دے نال گل بات کردیاں ہویاں مسلم لیگ ن دے رہنما عطاء اللہ تارڑ نے آکھیا اے کہ ساڈے کول پنجاب اسمبلی دے 160وچوں 159استعفے موجود نیں،اک خاتون ایم پی اے بیمار نیں۔ عطاء اللہ تارڑ نے دسیا کہ لوکائی نے ساڈی توقعات توں زیادہ استعفے دتے نیں۔ اوہناں نے آکھیا اے کہ شہبازشریف دے نال پچھلے ہفتے ملاقات ہوئی سی اوہ پی ڈی ایم نوں مضبوط تے متحد ویکھنا چاہندے نیں۔ لیگی رہنما نے مزیدآکھیا اے کہ امیداے پی ڈی ایم اجلاس وچ اتحاد تے اتفاق دے نال فیصلے ہون گے۔ ساریاں جماعتاں اک پیج اتے نیں انشاء اللہ چنگی خبر آوے گی۔