سرکار دا 18 جنوری توں تعلیمی ادارے کھولن دا اعلان
مارچ تے اپریل وچ بورڈز دے امتحانات ملتوی، پہلی توں 8تیک 25جنوری تے یکم فروری توں یونیورسٹیز وچ تدریسی عمل شروع ہووے گا
اسلام آباد (بیورورپورٹ) سرکارنے نویں توں بارہویں تیک تعلیمی ادارے 18 جنوری توں کھولن دا اعلان کردتااے۔ پہلی توں 8تیک 25جنوری تے یکم فروری توں یونیورسٹیز وچ تدریسی عمل شروع ہووے گا۔ تفصیلات دے مطابق پیر نوں بین الصوبائی وزرائے تعلیم کانفرنس ہوئی جہدے وچ ملک بھر وچ تعلیمی ادارے کھولن توں متعلق مشاورت کیتی گئی۔ وفاقی وزیر تعلیم شفقت محمود دی زیر قیادت بین الصوبائی وزرائے تعلیم کانفرنس وچ چاراں صوبیاں دے وزرائے تعلیم شریک ہوئے جہدے بعد وفاقی وزیر تعلیم شفقت محمود تے وزیر اعظم دے معاون خصوصی بر ائے صحت فیصل سلطان نے مشترکہ پر یس کانفرنس کردیاں ہویاں دسیا اے کہ اجلاس وچ تعلیمی ادارے 11 جنوری توں کھولن دا فیصلہ کیتا گیا ا۔ اساتذہ تے انتظامیہ11 جنوری نوں تعلیمی اداریا ں وچ جا سکن گے۔ مارچ تے اپریل وچ بورڈز دے امتحانات ملتوی کردتے گئے نیں۔بورڈ دے امتحانات ہن مئی تے جون وچ ہون گے۔ موسم گرما دی تعطیلات وی گٹھ ہون گیاں۔ معاون خصوصی صحت نے دسیا کہ کرونا دی دوجی لہر دی شدت وچ کمی تعلیمی داریاں دی بندش دے سبب ہوئی۔ سانوں مزید احتیاط دی لوڑ اے۔ دوجی لہر ہنی ختم نہیں ہوئی۔
