پی ڈی ایم دا لانگ مارچ بالکل ہووے گا، مریم نواز

لہور(سٹی رپورٹر) مسلم لیگ ن دی نائب صدر مریم نواز داآکھنا اے کہ پاکستان ڈیمو کریٹک موومنٹ (پی ڈی ایم) دا لانگ مارچ دا پلان بالکل اے، تے پی ڈی ایم دا لانگ مارچ بالکل ہووے گاتفصیلات دے مطابق پاکستان مسلم لیگ ن دی نائب صدر مریم نواز نے بہاولپور تو ں تہورٹورن توں پہلاں میڈیا دے نال گل بات کر دیاں ہویاں آکھیا اے کہ بہاولپور دی عوام دا شکریہ اد ا کرنی واں اوہناں نے مینوں دل توں جی آیاں نوں آکھیا اے کہ پہلے سنیا سی بہاولپور والے سیاسی ریلیاں وچ شریک نہیں ہوندے پر کل بہاولپور دی عوام نے سارے ریکارڈ توڑ دتے۔ مریم نواز نے آکھیا اے کہ لانگ مارچ دی تاریخ دا اعلان لوکائی دی سہولت تے موسم نوں ویکھدیاں ہویاں کراں گے۔ میڈیا دے نال گل با ت کردیاں ہویاں اوہناں نے مزیدآکھیا اے کہ استعفے ہون گے انشاء اللہ 31جنوری تیک اگر اوہ عزت دے نال جان اتے راضی نہیں تے عوام کوئی ہور فیصلہ کرن گے۔