نیب نے پاکستان دے 4 ارب ڈبو دتے،کوئی پچھنے والا اے؟احسن اقبال

لہور (سٹی رپورٹر)مسلم لیگ (ن) دے رہنما احسن اقبال نے آکھیا اے کہ نیب نے پاکستان دے 4 ارب ڈبو دتے،کوئی پچھنے والا اے؟جتنی مالیت دے فلیٹ نہیں نیں ایس توں زیادہ مقم خرچ کردتی گئی نیب اتے مقدمہ کون بناوے گا۔ پاکستان دے زرمبادلہ دا نقصان کون پورا کرے گا؟پیر دے دیہاڑے لہور وچ میڈیا دے نال گل بات کردیاں ہویاں احسن اقبال ہوراں نے آکھیا اے کہ عمران خان 31جنوری توں پہلاں استعفیٰ دیوے تے گھر جان۔ تاریخی لانگ مارچ ہووے گا۔ نااہل حکمران نوں گھر گلنا 22 کروڑ عوام دی لوڑ اے۔ رہنما ن لیگ احسن اقبال نے مزیدآکھیا اے کہ سرکار انتقامی ایجنڈے اتے کم کر رہی اے۔

شہبازشریف نے سار ے اثاثے ظاہ رکردتے نیں سرکار شہبازشریف اتے اک پیسے دی کرپشن ثابت نہیں کر سکی۔ اوہناں نے مزیدآکھیا اے کہ مچھ وچ کان کناں نوں قتل کیتا گیا۔ایس ملک دا وزیر داخلہ آکھ رہیا اے کہ ات گردی ہون والی اے۔ قوم تیار روے۔ سرکار امن وامان قائم کرن وچ نکام ہو چکی اے۔ تساں کس مرض دی دوا اوہ؟سرکاردا کم اے ات گردی نوں روکے،شیخ رشید نوں ملکی سکیورٹی اتے توجہ دینی چاہیدی اے۔ اوہناں نے مزیدآکھیا اے کہ تاریخی لانگ مارچ ہووے گا۔ نااہل حکمران نوں گھر گلنا 22 کروڑ عوام دی لوڑ اے۔ سرکار انتقامی ایجنڈے اتے کم کر رہی اے