انسداد منشیات دا قنون: پی ٹی آئی دی وفاقی تے کے پی حکومت آمنے ساہمنے
اسلام آباد( پنجابی میڈیا گروپ)وفاقی حکومت تے اے این ایف نے کے پی حکومت دا انسداد منشیات قنون چیلنج کردتا۔وفاقی حکومت دی آئینی درخواست اُتے جسٹس مشیر عالم دی سربراہی وچ تین رکنی بینچ نے سماعت کردیاں ہوئیاں حکومت توں آئندہ ہفتے تک جواب منگ لیا دوران سماعت اے این ایف دے وکیل راجہ انعام نے موقف اخیتار کیتاکہ منشیات دے حوالے نال قنون سازی وفاق دا اختیار اے ، صوبائی حکومت نے2019ء دا ایکٹ بنا کے وفاقی قنون عملی طور اُتے معطل کر دتا ، وفاقی قنون ختم ہون نال اے این ایف دے سارے مقدمے کالعدم ہو رہے نیں ۔
