پنجاب پبلک سروس کمیشن دے پیپر لیک اسکینڈل وچ حیرت انگیز انکشافات
لہور: پنجاب پبلک سروس کمیشن وچ پیپر لیک اسکینڈل بارے مزید انکشافات سامنے آئے نیں۔
محکمہ اینٹی کرپشن نے پنجاب یونیورسٹی ہاسٹل توں ملزم غضنفر دے کمرے وچ چھاپہ مار کے نقدی تے دستاویزات برآمد کرلئیاں۔اینٹی کرپشن حکام ولوں کمیشن دی سیکریسی برانچ تے ملزم غضنفردے کمرے وچ چھاپہ ماریا گیا تے اس دوران سیکریسی برانچ دے ایک کمپیوٹر تے یو ایس بی دی سہولت نے کئی سوالات چک دتے۔
ابتدائی تحقیقات دے مطابق کمیشن دے جونیئر کمپیوٹر آپریٹر وقار اکرم نے تحصیلدار دی آسامی دا پیپر یو ایس بی دے ذریعے لیک کرن دا اعتراف کیتا جس تے کمیشن نے پیپر منسوخ کردتا جد کہ ملزم وقار اکرم پیپر چوری کردا سی تے غضنفر فروخت کردا سی۔
تحقیقات دے مطابق ملزم غضنفر محکمہ خزانہ دا ملازم تے پنجاب یونیورسٹی لاء کالج دا طالب علم اے، اس دے کمرے وچوں امیدواراں دی رول نمبر سلپس، پرانے پیپرزتے ہزاراں روپے کیش برآمدکیتا گیا۔
اینٹی کرپشن حکام نے دسیا کہ انہاں نے اینٹی کرپشن انسپکٹر دی خالی آسامیاں دے غیر معمولی نتائج دے بعد ازخود تحقیقات شروع کیتی۔
