ویلے سِر حکومتی فیصلیاں نال کورونا کیساں وچ کمی آنا شروع ہو گئی: اسد عمر اسلام آباد:

وفاقی وزیر برائے منصوبہ بندی اسد عمر آکھیا اے سرکار دے ویلے سر تے نتیجہ خیز فیصلیاں دی وجہ توں دوسری لہر وچ کورونا دے کیس تے موتاں دی شرح وچ کمی آنا شروع ہو گئی اے۔ اپنے ٹویٹ وچ اسد عمر نے اک وار فیر قوم توں کورونا وائرس دے پھیلاؤ نوں روکن لئی احتیاطی تدابیر تے عمل کرن دی اپیل کردیاں آکھیا صحت دے نتائج ساڈے فیصلیاں تے ذاتی انتخاب توں بھرپور طریقے نال منسلک نیں۔ وفاقی وزیر آکھیا جدوں دوسری لہر وچ تیزی آئی تے اسیں نومبر دے آخری ہفتے وچ اپنے تجزیے دے تحت زیادہ خطرے دے حامل علاقیاں نوں بند کر دتا سی۔ دسمبر دے پہلے ہفتے وچ ہسپتال وچ داخل ہون والے مریضاں دی تعداد انتہا تے اپڑ گئی سی، دوسرے ہفتے وچ آکسیجن، وینٹی لیٹر دے مریضاں دی تعداد انتہا اُتے سی، تیسرے ہفتے وچ موتاں وچ وادھا ہویا تے فیر کمی آئی، فیصلے تے نتائج انتہائی حد تک باہمی ربط رکھدے نیں۔

اپنا تبصرہ گھلو