مراد سعید دا پارلیمان دا خصوصی اجلاس بلان لئی سپیکر قومی اسمبلی تے چیئرمین سینیٹ نوں خط اسلام آباد:

وفاقی وزیر مراد سعید نے پارلیمان دا خصوصی اجلاس بلان لئی سپیکر قومی اسمبلی تے چیئرمین سینیٹ نوں خط لکھ دتا۔ اپنے خط وچ مراد سعید آکھیا دشمن نوں پارلیمان، سیاسی جماعتاں تے صحافتی اداریاں توں ایمان فروش گروہ میسر اے جہڑا قوم دا مستقبل داء تے لا رہیا اے۔ مودی سرکار پاکستان وچ عدم استحکام لئی سارے وسائل استعمال کر رہی اے تے جھوٹے بیانیے راہیں پاکستان دے خلاف ہرزہ سرائی وچ مصروف اے، ڈس انفولیب رپورٹ نے وی بھارت دے مکروہ عزائم دنیا دے ساہمنے عیاں کر دتے نیں۔ مراد سعید آکھیا انفولیب رپورٹ دا سب توں تشویشناک پہلو دشمن نوں ساڈی صفاں توں ملن والی خفیہ کمک اے، ایہناں حالات وچ ضروری اے کہ قومی اسمبلی تے سینیٹ دا خصوصی اجلاس بلا کے بھارتی عزائم دے خلاف سانجھی حکمت عملی واضح کیتی جائے

اپنا تبصرہ گھلو