دشمن دے اعصاب اُتے سوار ساڈی آرمی

لكهت:رابعہ رحمٰن

پاکستان دی فوج بھارت دے مکروہ عزائم دی راہ وچ بنیادی رکاوٹ اے

پاکستان تے ہندوستان نوں آزاد ملک بنے ہن 74 ورہے ہون نوں نیں پر اینا عرصہ لنگھ جان دے باوجود ہندوستان نے اج تیکر دل نال ساڈے وجود نوں قبول نہیں کیتا۔ آبادی تے رقبے دے لحاظ نال دونواں ملکاں دا کوئی موازنہ نہیں پر ایس دے باوجود ہندوستان محاذ آرائی دی اک نہ ختم ہون والی پالیسی اُتے گامزن اے۔ دونواں ملکاں دے وچکار آزادی دے ویلے آبی وسائل تے کجھ علاقائی تنازعات تے علاوہ کشمیر اک وڈا حل طلب مسئلہ سی۔ ویلا لنگھن دے نال نال کجھ تنازعات اُتے تصفیہ وی ہو گیا جنہاں وچ پانی دی ونڈ دا سندھ طاس معاہدہ خاص طور اُتے قابل ذکر اے پر کجھ علاقائی تنازعات اج وی حل طلب نیں۔ کشمیر دونواں ملکاں دے وچکار کشیدگی تے تنازعات دی بنیادی وجہ اے۔ ایہہ مسئلہ اج وی اقوام متحدہ دے ایجنڈے اُتے موجود اے تے بھارت کشمیر اُتے اقوام متحدہ دی سکیورٹی کونسل دی قرار داداں اُتے عمل کرن توں مسلسل انحراف کر رہیا اے۔ یاد رہوے کہ اقوام متحدہ وچ ایہہ مسئلہ وی ہندوستان آپ ای لے کے گیا سی۔ دونواں ملکاں دے وچکار ایس مسئلے اُتے چار جنگاں وی لڑیاں جا چکیاں نیں پرنتیجہ کجھ حاصل نہیں ہویا جس دی بنیادی وجہ ہندوستان دا غیر حقیقت پسندانہ تے محاذ آرائی اُتے مبنی رویہ اے۔ اک وڈا ملک ہون دے ناطے توں بھارت خطے وچ اجارہ داری دا خاہش مند اے۔ ایس دے ایہناں عزائم دی راہ وچ سب توں وڈی تے واحد رکاوٹ پاکستان اے کیوں جے جنوب پسندانہ تے محاذ آرائی اُتے مبنی اے۔
اک وڈا ملک ہون دے ناطے نال بھارت خطے وچ اجارہ داری دا خاہش مند اے۔ ایس دے ایہناں عزائم دی راہ وچ سب توں وڈی تے واحد رکاوٹ پاکستان اے کیوں جے جنوب مشرقی ایشیا دے باقی ملک کسے نہ کسے طور اُتے ہندوستان دے مرہون منت نیں۔ اپنے قیام توں لے کے اج تیکر ہندوستان نے پاکستان دے خلاف اک باقاعدہ پراکسی جنگ شروع کر رکھی ا ے۔ چاہے مشرقی پاکستان دا المیہ ہوئے یا سندھ تے بلوچستان وچ ملک دشمن عناصر دی پشت پناہی ہندوستان نے سانوں نقصان اپڑان لئی کدی کوئی دقیقہ فرد گذاشت نہیں کیتا۔ اج وی ہندوستان دی بدنام زمانہ خفیہ ایجنسی را ایس سلسلے وچ بھرپور طریقے نال سرگرم عمل اے۔ ہندوستان دی حکومت اشرافیہ، اسٹیبلشمنٹ تے میڈیا ہر ویلے پاکستان دے خلاف سرگرم عمل اے۔ ایس ساری صورت حال دے برعکس پاکستان نے ہمیشہ ہندوستان دے نال چنگی ہمسائیگی اُتے مبنی دوستانہ تعلقات دی خواہش دا اظہار کیتا اے تے ہر قسم دی اشتعال انگیزی دا جواب صبر تے تحمل نال دتا پر ایس دا کدی وی مثبت جواب نہیں ملیا۔ پاکستان نے دونواں ملکاں دے وچکار برابری دی سطح اُتے چنگے تعلقات اُتے زور دتا اے پر چونکہ ہندوستان خطے وچ اپنا تسلط جمانا چاہند اے تاں ایہنوں کسے صورت وی قابل قبول نہیں۔
پاکستان دی فوج بھارت دے ایہناں مکروہ عزائم دی راہ وچ بنیادی رکاوٹ نیں تے باوجود ایس دے کہ ساڈی فوج دہشت گردی دے خلاف اک وڈی تے طویل جنگ لڑ رہی اے ہندوستان ایس توں ہر ویلے خائف رہندا اے۔ پاکستانی فوج ہندوستانیاں دے اعصاب اُتے سوار اے تے ہندوستان ہر ویلے ساڈی بہادر تے ناقابل تسخیر فوجاں دے خلاف زہر آلود پراپیگنڈہ وچ مصروف عمل رہندا اے۔ یاد رہوے کہ کالا باغ ڈیم دے منصوبے نوں متنازعہ بنان وچ وی ہندوستان دا اہم کردار اے۔ دیامر بھاشا ڈیم دے خلاف وی بھارت دی مہم کسے توں لُکی چھپی نہیں۔ بلوچستان وچ جاری شورش نوں ہوا دین وچ وی بھارت تے ایس دی خفیہ ایجنسی راکا بنیادی کردار اے جس دا اظہار ایس دے ذمہ داران آپ وی کردے رہندے نیں غرض ایہہ کہ ساڈی زندگی دا کوئی وی شعبہ ہوئے ہندوستان نوں ایس دی ترقی کسے صورت وی گوارا نہیں۔ ایس ساری صورت حال وچ سانوں وی اپنی سوچ تے حکمت عملی اُتے غور کرن دی لوڑ اے۔بھارت دے ایہناں مکروہ عزائم دی تکمیل وچ جیہڑے لوک استعمال ہوندے رہے نیں تے اج وی ہو رہے نیں اوہ تے پاکستانی ای ہین نا، چاہے اوہ پیسے دی خاطر بکے ہون یا فیر اپنے اپنے مفادات دے حصول دی خاطر۔ ہندوستان نے ساڈی امن تے دوستی دی خواہش نوں ہمیشہ اک کمزوری سمجھیا اے۔ بھارت دنیا جہاں وچ ساڈے خلاف سرگرم عمل اے۔ ایہنوں علم اے کہ جدوں تیکر اک مضبوط تے مستحکم پاکستان موجود اے اوہ اپنے عزائم وچ کامیاب نہیں ہو سکدا۔امن دی آشا دے داعیاں نوں وی ہوش دے ناخن لینے چاہیدے نیں تے اپنے وطن نال وفاداری نبھانی چاہیدی اے۔ سانوں ایہہ گل ذہن نشین کر لینی چاہیدی اے کہ ہندوستان ساڈا ازلی دشمن سی تے ہمیشہ رہوے گا۔ ایس توں کسے بھلائی دی امید رکھنا اک خام خیال ای ہو سکدی اے۔اسیں کجھ وی کر لیئے ساڈے متعلق اپنی سوچ تبدیل کرن والا نہیں۔ اوتھے تے انتخابات وی پاکستان دشمنی دی بنیاد اُتے لڑے جاندے نیں۔ ایس دا بہترین جواب ایہہ اے کہ اسیں اپنے اندر اتحاد رکھیے تے اٹ دا جواب پتھر نال دین دے عزم دا اظہار کر دین۔ سانوں ایہہ گل وی ذہن نشینی رکھنی چاہیدی اے کہ ساڈی اقتصادی ترقی تے ایس سلسلے وچ پاک چین اقتصادی راہداری جہے منصوبے ساڈے دشمناں نوں کسے صورت قابل قبول نہیں تے اوہ ایہنوں سبوتاژ کرن دی ہر ممکن کوشش کردے رہن گے ساڈا عزم، اتحاد تے ولولہ ای دشم ن نوں شکست فاش دے سکدا اے۔