نیب ولوں ریلوے انجن مہنگے خریدن دا کیس بند کرن دا فیصلہ

لہور( پنجابی میڈیا گروپ) مسلم لیگ(ن) دے رہنما خواجہ سعد رفیق لئی قومی احتساب بیورو ولوںچنگی خبر ایہ ساہمنے آئی اے کہ نیب نے اوہناں دیخلاف لوکو موٹیو مہنگے خریدن دی انکوائری بند کرن دا فیصلہ کرلیا۔تفتیشی ٹیم نے انکوائری بند کرن دی سفارش کردتی تے ڈی جی نیب لہور نے ٹیم دی رپورٹ چیئرمین نیب نوں گھل دتی۔نیب ذرائع دے مطابق خواجہ سعد سنے ہوراں ملزماں اُتے4ہزار توں4500ہارس پاور دے انجن مہنگے خریدن دے الزامات سن۔سعد رفیق دے خلاف شکایت گزار دا موقف سی کہ پاکستان ریلوے نوں20توں ودھ لوکو موٹیو دی ضرورت نہیں سی، خواجہ سعد رفیق نے ضرورت توں ودھ لوکو موٹیو خریدن دی منظوری دتی، جس دا مقصد کک بیکس حاصل کرنا سی۔

اپنا تبصرہ گھلو