بادی النظر وچ نعیم بخاری دی تعیناتی عدالتی فیصلے دی خلاف ورزی اے،اسلام آباد ہائی کورٹ
اسلام آباد(بیورو رپورٹ)اسلام آباد ہائیکورٹ چیف جسٹس اطہر من اللہ نے چیئرمین پی ٹی وی نعیم بخاری دی تعیناتی دے خلاف درخواستاں اتے سماعت کیتی۔ دوران ریمارکس دتے کہ نعیم بخاری دی تعیناتی بادی النظر وچ عدالتی فیصلے دی خلاف ورزی اے۔ عدالت نے نعیم بخاری نوں وی سپریم کورٹ دا فیصلہ پڑھن دا حکم دتا اے۔ اٹارنی جنرل خالد جاوید خان نوں آئندہ سماعت تے عدالتی معاونت دی ہدایت کردیاں ہویاں سیکرٹری وزارت اطلاعات دے و نشریات دا مجاز افسر آئندہ سماعت اتے عدالت طلب کر لیا۔چیف جسٹس اطہر من اللہ نے ریمارکس دتے کہ سپریم کورٹ دا بڑا واضح فیصلہ اے۔ ایہدے اتے عمل وی ضروری اے۔ نعیم بخاری صاحب ساڈے لئی قابل احترام نیں پر سپریم کورٹ دے فیصلے نوں نظرانداز نہیں کر سکدے۔ بعدازاں عدالت نے استدعا منظور کردیاں ہویاں سماعت 14 جنوری تیک ملتوی کردتی۔
Load/Hide Comments





















