کسی نوں صوبے دے عوام دا استحصال نہیں کرن دیاں گا، عثمان بزدار

لہور(سٹی رپورٹر)وزیراعلی پنجاب عثمان بزدار داآکھنا اے کہ کسی نوں صوبے دے عوام دا استحصال نہیں کرن دیاں گا، جدکہ اپوزیشن صرف ذاتی مفاد ات دا تحفظ چاہندی اے۔ تفصیلات دے مطابق وزیراعلی پنجاب عثمان بزدار دے نال سینئر صوبائی وزیر عبدالعلیم خان نے ملاقات کیتی۔ملاقات وچ باہمی دلچسپی دے امور، گندم، آٹے دے اسٹاک و قیمتاں تے سیاسی صورتحال اتے وچار کیتا گای۔

صوبائی وزیر عبدالعلیم خان نے وزیراعلی پنجاب نوں گندم وآٹے دے اسٹاک ونرخاں تے اپنے محکمے دی کارکردگی توں آگاہ کیتا۔وزیراعلی پنجاب عثمان بزدار نے گندم و آٹے دے اسٹاک و نرخاں اتے اطمینان دا اظہار کیتا۔ایس موقع تے عثمان بزدار نے آکھیا کہ پنجاب واحد صوبہ اے جتھے20 کلو آٹے دا تھیلا مقرر کردہ نرخاں اتے دستیاب اے۔

اپنا تبصرہ گھلو