نوازشریف لٹی ہوئی رقم واپس کرکے سیاست چھڈ دین: جلیل شرقپوری
لہور( پنجابی میڈیا گروپ) مسلم لیگ (ن) دے ناراض رکن پنجاب اسمبلی میاں جلیل شرقپوری کہندے نیں نوازشریف لٹی ہوئی رقم واپس کرکے سیاست چھڈ دین۔ شرقپور وچ میڈیا نال گل کردیاں جلیل شرقپور دا کہنا اے شہباز شریف دی لندن وچ ارباں روپے دی پراپرٹی نوں میں وی جاننا آں۔ اوہناں آکھیا نوازشریف پاکستان نوں مستقل چھڈ کے لندن رہن، ایہناں دے علاوہ دوجے سینئر مسلم لیگی رہنماواں نوں اگے آنا چاہیدا اے۔جلیل شرقپور دا کہنا اے رانا تنویر حسین مسلم لیگ (ن) دے صدر کیو ںنہیں بن سکدے؟ ناراض مسلم لیگی رہنما آکھیا ٹرمپ مولانا فضل الرحمان نوں امریکا بلوا کے اوہناں دی خدمات حاصل کرن۔ اوہناں نے ہور آکھیا فضل الرحمان اداریاں دے خلاف چلن دا تجربہ رکھدے نیں، لندن براڈ شیٹ کیس نوں ری اوپن کیتا جائے۔ جلیل شرقپور دا ایہ وی کہنا اے نوازشریف نوں باہر جان دی اجازت دین والے ہن اوہناں نوں واپس لیان۔





















