جنسی تشدد روکن دا کریڈٹ عثمان بزدار نوں جاندا اے: فردوس عاشق اعوان
لہور( پنجابی میڈیا گروپ) وزیراعلیٰ پنجاب دی معاون خصوصی فردوس عاشق کہندیاں نیں جنسی تشدد روکن لئی قنون سازی کرن دا کریڈٹ عثمان بزدار نوں جاندا اے کیوں جے بھیک منگن والے بچے دے ہتھ کتاب دینا ای اصل کم اے۔ تفصیلات دے مطابق لہور وچ بالاں نال بدسلوکی دے خلاف چائلڈ پروٹیکشن بیورو دے زیر اہتمام آگاہی واک کیتی گئی جہدے وچ وزیراعلیٰ پنجاب دی معاون خصوصی فردوس عاشق خصوصی طور تے شریک ہوئیاں۔ ایس موقع تے فردوس عاشق آکھیا چائلڈ لیبر بارے موثر پروگرام تے کم ہو رہیا اے جد کہ عملی اقدامات وی کیتے جا رہے نیں۔فردوس عاشق آکھیا چائلڈ لیبر دے شکار بالاں دے والدین نوں باقاعدہ وظیفے دتے جا رہے نیں، چھوٹی عمردی شاد ی دے خلاف قنون موجود اے جد کہ ایہدے تے کجھ اصلاحات دی لوڑ اے۔ فردوس عاشق نے ایہ وی آکھیا رب نے اوہناں د مقدر وچ مایوسی لکھ دتی اے جد کہ فضل الرحمان تے پی ڈی ایم دے ٹولے دے بیانیے وچ تضاد نمایاں نیں۔





















