پٹرول بم سُٹن دی تیاری: 11 روپے 95 پیسے مہنگا ہون دا امکان

اسلام آباد (پنجابی میڈیا گروپ)مہنگائی دے ستائے شہریاں اتے سرکار نے اک واری فیر پٹرول بم گران دی تیاریاں کرلیاں نیں۔ میڈیا رپورٹ دے مطابق سرکار نے عوام اتے پٹرول بم گران دی تیاریاںشروع کردتیاں نیں ، جہدے مطابق 16جنوری توں پٹرول 11 روپے 95 پیسے تیک مہنگا ہون دا امکان،حتمی فیصلہ اج جمعہ نوں ہووے گا۔دوجے پاسے خبراے کہ ڈیزل دی قیمت وی 9 روپے 57 پیسے فی لیٹر تیک ودھ سکدی اے۔ رپورٹ دے مطابق پٹرولیم مصنوعات دی قیمتاں دا تعین 30 روپے فی لیٹر لیوی دے حساب توں کیتا گیا اے۔ آئل اینڈ گیس ریگولیٹری اتھارٹی (اوگرا) نے پٹرولیم مصنوعات دی قیمتاں وچ رد و بدل دی سفارشات پٹرولیم ڈویژن نوں بھجوا دتیاںسن

اپنا تبصرہ گھلو