پی ڈی ایم نے الیکشن کمیشن دے ساہمنے احتجاج دی پوری تیاری کر لئی

اسلام آباد( پنجابی میڈیا گروپ )پی ڈی ایم دے اج19جنوری نوں الیکشن کمیشن دے ساہمنے احتجاج دے حوالے نال پیپلز پارٹی اسلام آباد دی قیادت نے پارٹی کارکناں نوں ہدایت نامہ جاری کر دتا۔سینئر رہنما پیپلز پارٹی دے رہنما سبط الحیدر بخاری ہوراں آکھیا کہ پیپلز پارٹی اسلا م آباد دا احتجاجی قافلہ مل پور توں نکلے گا۔اوہناں نے آکھیا کہ الیکشن کمیشن دے ساہمنے بھرپور مظاہرہ کیتا جائے گا ،پارٹی دے مقامی عہدیدراں تے سارے کارکن احتجاج وچ رلت کرن گے۔اوہناں آکھیا کہ رلت کرن والے سینی ٹائزر ، فیس ماسک سنے ہوراںکورونا ایس او پیز دا خیال رکھن ۔اوہناں نے آکھیاکہ اسلام آباد سٹی دا جلوس جی ایٹ مرکز توں نکلے گا۔

اپنا تبصرہ گھلو