ڈبہ
عارف شاہ پروہنا
ایہہ کیہ سانوں بنیاں ربا
فلم بنائی تے ہو گئی ڈبہ
چوٹی دے فنکار پائے سن
سارے ای سپر سٹار پائے سن
ڈائریکٹر وی اساں چُن کے لبھا
فلم بنائی تے ہو گئی ڈبہ
کئی شاعراں توں گیت لکھائے
انڈیا جا کے ریکارڈ کرائے
اوتھے پورا مہینہ سی لگا
فلم بنائی تے ہو گئی ڈبہ
آپ لکھی میں ایہدی کہانی
فلم دا ناں سی دل دی رانی
میچ نہ آیا میرے جھگہ
فلم بنائی تے ہو گئی ڈبہ
فلمی لوگ بڑے نیں چاتر
اول درجے دے نیں شاطر
وکھاون سجا تے مارن کھبہ
فلم بنائی تے ہو گئی ڈبہ
ڈاکدا رہ گیا میرا ابا
فلم بنائی تے ہو گئی ڈبہ
ایتھے میرا یار پروہنا
کردا مینوں پیار پروہنا
باقی ہر بندہ اے کبا
فلم بنائی تے ہو گئی ڈبہ
