اسرا ئیل نوں تسلیم کرن دا سوال ای پیدا نہیں ہوندا ، شاہ محمود قریشی
اسلام آباد( بیورورپورٹ ) وزیر خارجہ شاہ محمود قریشی نے آکھیا اے کہ کراچی وچ اسرائیل نا منظو ر بینزر سیاسی مقاصد لئی لگائے جارہے نیں۔ اسرا ئیل نوں تسلیم کرن دا سوال ای پیدا نہیں ہوندا۔دہلی وچ غیر ذمہ دار سرکار سیاسی مقاصد لئی کجھ وی کر سکدی اے ۔کراچی وچ کجھ عناصر احتجاج لئی مدرسے دے طالب علماں نوں استعمال کرنا چاہندے نیں جہڑا ملک ومعیشت لئی چنگا قدم نہیں اے۔ خطے دی صورتحال تے پی ڈی ایم دے احتجاج دے حوالے توں اپنے اک بیان وچ مخدوم شاہ محمود قریشی داٰآکھنا سی کہ پاکستان مسلسل بھارت دا اصلی چہرہ وکھا رہیا اے، 14 نومبر نوں ڈوزیئر وچ اسیں بھارت ولوں ات گرداں دی معاونت دے ناقابلِ تردید ثبوت دنیا دے ساہمنے رکھے نیں۔
یورپی یونین ڈس انفولیب دی حالیہ چشم کشا انکشافات اتے مبنی رپورٹ نے ساڈے تحفظات اتے مہر تصدیق ثبت کیتی اے۔ وزیر خارجہ شاہ محمود قریشی ہوراں نے آکھیا اے کہ بھارت نے پاکستان نوں عالمی سطح اتے بدنام کرن لئی جھوٹی پراپگنڈہ مہم شروع کیتی، ارنب گوسوامی دی ”چیٹ ”منظر عام آن اتے پلوامہ ڈرامہ بے نقاب ہوگیا، جہڑا بھارت نے سیاسی مقاصد دے حصول لئی رچایا، بھارت دی بی جے پی سرکار نے الیکشن دی راہ ہموار کرن لئی اپنے ای 40 فوجیاں دی جان لے لئی۔





















