چاہندے آں PTI توں متعلق الیکشن کمیشن دا فیصلہ جلد آ جاوے، احسن اقبال
اسلام آباد (بیورورپورٹ )مسلم لیگ نون دے رہنما احسن اقبال آکھدے نیں چاہندے آں PTI توں متعلق الیکشن کمیشن دا فیصلہ جلد آ جاوے۔نجی ٹی وی دے نال گل بات کردیاں ہویاں مسلم لیگ ن دے رہنما احسن اقبال نے آکھیا اے کہ منتخب وزیراعظم دے خلاف 6 ماہ وچ فیصلہ آگیا پر پی ٹی آئی دے خلاف اتنے عرصے توں نہیں آ رہیا۔اوہناں نے آکھیا کہ اپوزیشن دا الیکشن کمیشن دے کول جانا علامتی اے۔ پی ٹی آئی نے غیر قانونی ذرائع کولوں فنڈنگ لئی تے ایہناں فنڈز نوں ڈکلیئر نہیں کیتا۔ پچھلے وزیرداخلہ احسن اقبال ہوراں نے مزیدآکھیا اے کہ مسلم لیگ ن دا کوئی خفیہ اکائونٹ نہیں اے۔ نون لیگ نے ممنوعہ ذرائع توں کوئی فنڈنگ وی نہیں لئی ۔رہنما مسلم لیگ نون نے ایہہ وی آکھیا کہ پی ٹی آئی دے خلاف کیس چل رہیا اے تے جدوں ایہہ گندی ہو رہی اے تے ایس نوں ن لیگ دے خلاف درخواست دائر کر دتی اے۔واضح روے کہ اپوزیشن اتحاد پاکستان ڈیمو کریٹک موومنٹ (پی ڈی ایم) پی ٹی آئی دے خلاف فارن فنڈنگ کیس دے فیصلے وچ تاخیر دے خلاف اج اسلام آباد وچ الیکشن کمیشن دے دفتر دے ساہمنے احتجاج کر رہی اے۔





















