PDM دا احتجاج، شیخ رشید دا کنٹرول روم دااچانک دورہ
اسلام آباد ( بیورورپورٹ ) وفاقی وزیرِداخلہ شیخ رشید احمد نے پی ڈی ایم دے الیکشن کمیشن دے بار احتجاج دے سلسلے وچ وزارتِ داخلہ وچ قائم کنٹرول روم دا دورہ کیتا اے ، ایہناں دے ہمراہ سیکرٹری داخلہ یوسف نسیم کھوکھر وی موجود سن۔وفاقی وزیرِ داخلہ شیخ رشید نے اج اپوزیشن اتحاد پی ڈی ایم دے اتحاد دے باعث پیش آن والی صورتِ حال نوں خود مانیٹر کرن دا فیصلہ کیتا اے ایس موقع تے وزیرِ داخلہ شیخ رشید نے کنٹرول روم وچ سہولتاں دا جائزہ لینا تے سکیوٹی دے انتظامات نوں یقینی بنان دی ہدایت وی کیتی۔ میڈیا دے نال گل بات کردیاں ہویاں وفاقی وزیرِ داخلہ شیخ رشید احمد داآکھنا سی کہ شہر وچ امن و امان بحال رکھن لئی ہر چیز اتے نظر رکھی جاوے گی۔اوہناں نے آکھیا کہ کیمراں توں اسلام آباد دے داخلی راستیاں دی سخت نگرانی کیتی جاوے گی۔ پرامن احتجاج دی ادازت اے۔ وزیرداخلہ شیخ رشید احمد ہوراں داآکھنا سی کہ شاہراہ دستور اتے پہلی واری احتجاج دی اجازت دتی گئی اے۔ امید اے کہ پی ڈی ایم الیکشن کمیشن دے بار احتجاج نوں پرامن رکھے گی۔





















