وزارت داخلہ وچ بارڈر مینجمنٹ ونگ قائم کردتا اے، شیخ رشید احمد
اسلام آباد(پنجابی میدیا گروپ) وزیر داخلہ شیخ رشید احمد نے آکھیا اے کہ پاکستان وزارت داخلہ وچ بارڈر مینجمنٹ ونگ قائم کردتا اے۔ انسانی سمگلنگ تے مصنوعات دی غیر قانونی نقل و حمل روکن دے حوالے توں جامع اقدامات کر رہے آں۔ ایہناں خیالات دااظہار اوہناں نے آسٹریلوی ہائی کمشنر جیفری شائو دے نال گل بات کردیاں ہویاں کیت۔ جہناں نے ایتھے ایہناں دے نال ملاقات کیتی۔ ملاقات دے دوران پاک آسٹریلیا دو طرفہ تعلقات تے باہمی دلچسپی دے امور بارڈر مینجمنٹ نوں چنگا بنان تے قانون نافذ کرن والے اداریاں دی پیشہ وارانہ صلاحیت ودھان اتے گل بات کیتی گئی۔ وزیر داخلہ شیخ رشید احمد نے آکھیا اے کہ پاکستان نے وزارت داخلہ وچ بارڈر مینجمنٹ ونگ قائم کردتا اے ۔پاکستان یکم مئی توں ای پاسپورٹ داآغاز کر رہیا اے۔ شیخ رشید احمد نے آکھیا اے کہ ای پاسپورٹ دے نال انسانی سمگلنگ روکن وچ بوہت مدد ملے گی۔





















