پی ڈی ایم دا جلسہ ٹْھس تے بیانیہ پْھس ہوگیا، فردوس عاشق اعوان
لہور(پنجابی میڈیا گروپ) وزیر اعلی پنجاب دی معاون خصوصی فردوس عاشق اعوان نے آکھیا اے کہ پی ڈی ایم دا جلسہ ٹْھس تے بیانیہ پْھس ہوگیا۔سماجی رابطیاں دی ویب سائٹ ٹوئٹر اتے اپنے اک ٹوئٹ وچ معاون خصو صی فردوس عاشق اعوان ہوراں داآکھنا سی کہ لندن تے کیہ پاکستان وچ وی کوئی جائیداد نہیں،توں جانی پہچانی والی راجکماری لندن ہائیورٹ دے فیصلے دے بعد دسے کہ امریکہ، برطانیہ ، پاکستان تے سعودی عرب وچ ارباں روپے دی 76جائیداداں کہدیاں نیں تے اپنے مفرور بھراواں دی مختار خاص ہون دے ناطے ایہناں دی جائیداداں وچ ایہدا کتنا حصہ اے؟فردوس عاشق اعوان نے مزیدآکھیا ے کہ سرکار ولوں فری ہینڈ تے بغیر کسی رکاوٹ دے پی ڈ ی ایم دا جھوٹھ دی گردان اتے مبنی رونا دھونا تے ہوگیا پر گیارہ جماعتاں دے مل کے جتنے لوکائی اکٹھے کیتے ایہدے نال کہدرے زیادہ تعداد وچ لوکائی بزدار سرکار ولوں لگائے گئے سہولت بازاراں وچ موجود ہوندے نیں۔ پی ڈی ایم دا جلسہ ٹْھس تے بیانیہ پْھس ہوگیا۔





















