اپنے خلاف لندن توں خبر چھپوان والے دا نام نہیں لواں گا : شہباز شریف
لہور(پنجابی میڈیا گروپ)لہور دی احتساب عدالت وچ منی لانڈرنگ کیس دی سماعت دے دوران مسلم لیگ نون دے صدر تے قومی اسمبلی وچ قائدِ حزبِ اختلاف میاں شہباز شریف نے آکھیا اے کہ اپنے خلاف لندن توں خبر چھپوان والے دا ناں نہیں لواں گا ۔دوران سماعت نیب دے گواہ ایف بی آر دے ملازم بلال ضمیر نے شہباز شریف تے دیگر دے خلاف بیان ریکارڈ کراندیاں ہویاں آکھیا اے کہ نیب دے تفتیشی افسر نے میرے کولوں ریکارڈ منگیاہ سی نیب دے گواہ بلال ضمیر دا ایہہ وی آکھنا اے کہ میں حمزہ شہباز، سلمان شہباز شریف تے رابعہ عمران دا ریکارڈ دیا، ایس ریفرنس وچ دتا سار ریکارڈ تصدیق شدہ اے۔شہبازشریف نے عدالت وچ آکھیا کہ منی لانڈرنگ کی سوچ قیامت تیک میرے خلاف دھیلے دی کرپشن ثابت نہیں کرسکدے ایہہ الٹے وی ہوجان تے وی کرپشن ثابت نہیں کرسکدے۔ شہبازشریف ہوراں نے مزیدآکھیا اے کہ پنجاب وچ برطانوی سرکار دے نال مل کے پنج ارب روپے دے مختلف پروگرام شروع کیتے نیب نوں کرپشن نہیں ملے گی۔ہر منصوبے وچ پیسے دی بچت ملے گی۔





















