عمران خان صاحب اپنے آپ نوں بیوقوف بنا رہے نیں: مریم اورنگزیب

لہور(پنجابی میڈیا گروپ)پاکستان مسلم لیگ ن دی ترجمان مریم اورنگزیب داآکھنا اے کہ عمران صاحب اپنے آپ نوں بیوقوف بنا رہے نیں پرعوا م نوں ہن مزید بے وقوف نہیں بنایا جاسکدا۔ تفصیلات دے مطابق مسلم لیگ ن دی ترجمان مریم اورنگزیب نے فارن فنڈنگ کیس اوپن کرن دے دعوے اتے وزیراعظم عمران خان نوں عمل درآمد دا چیلنج کردتا اے۔مریم اورنگزیب نے آکھیا کہ 24 گھنٹے ہوگئے،تساں فارن فنڈنگ کیس دا ریکارڈ اوپن کرن دی درخواست نہیں کیتی، الیکشن کمیشن وچ فوری درخواست دیو کہ فارن فنڈنگ کیس دی سماعت اوپن کیتی جاوے۔مریم اورنگزیب ہوراں نے مزیدآکھیا اے کہ عمران صاحب عوام انتظار وچ نیں کہ تساں کدوں اپنے اعلان اتے عمل کرو گے؟ترجمان ن لیگ نے آکھیا کہ عمران صاحب فارن فنڈنگ کیس وچ میڈیا نوں کیوریا اتے پابندی اج ختم کرائی جاوے۔تہاڈی چوری اتے امریکہ وچ وی تلاشی شروع ہو چکی اے۔ اوہناں نے آکھیا اے کہ عمران صاحب آن کیمرہ بیان کجھ ہور دیندے نیں پچھے دروازے توں این آر او لے رہے نیں۔

اپنا تبصرہ گھلو