امر یکی صدر جوبائیدن مسئلہ کشمیر دے حل لئی کردار ادا کرن، چوہدری سرور
لہور (پنجابی میڈیا گروپ) گور نر پنجاب چوہدری محمدسرور نے نئے امر یکی صدر جوبائیدن دے نال بھارت دے جنگی جنون دے خاتمے تے مسئلہ کشمیر دے حل لئی کردار ادا کرن دا مطالبہ کردیاں ہویاں آکھیا اے کہ جدوں تیک مسئلہ کشمیر حل نہیں ہووے گا خطے وچ کسی صورت امن قائم نہیں ہو سکدا۔ بلاشبہ ات گردی دے خلاف جنگ وچ سبھ توں زیادہ قربانیاں پاکستان نے دتیاں نیں۔ جمعرات دے روز گورنر پنجاب چوہدری محمدسرور نے اپنے ٹویٹ وچ نئے امر یکی صدر جوبائیدن تے نائب صدر کملا ہیرس نوں حلف چکن اتے مبارکباد دے اپنے پیغام وچ آکھیا اے کہ توقع اے کہ نئے امریکی صدر جوبائیڈن تے ایہناں دی ٹیم دے آن توں پاکستان تے امریکہ دے وچکار تعلقات پہلاں توں مضبوط ہون گے۔ گورنرپنجاب چودھری سرور ہوراں نے مزیدآکھیا اے کہ ات گردی دے خاتمے تے امن لئی افواج پاکستان تے ساڈے عوام نے جہڑیاں قربانیاں دتیاں نیں ایہدی کدرے کوئی ہور مثال نہیں ملدی۔





















