پاکستان امریکہ دے نال دوطرفہ تعلقات دا منتظر اے، ڈاکٹر معید یوسف

اسلام آباد (بیورورپورٹ)وزیر اعظم دے معاون خصوصی برائے قومی سلامتی ڈاکٹر معید یوسف نے اسلام آباد پالیسی ریسرچ انسٹی ٹیوٹ (آئی پی آر آئی) تے انٹرنیشنل انسٹی ٹیوٹ برائے اسٹریٹجک اسٹڈیز (آئی آئی ایس ایس) دے زیر اہتمام “بائیڈن انتظامیہ تے پاکستان” دے عنوان دے نال منعقدہ اک پروگرام اتے اظہارے خیال کردیاں ہویاں آکھیا اے کہ پاکستان امریکہ دے نال دوطرفہ تعلقات دا منتظر اے۔ اوہناں نے مزیدآکھیا اے کہ نئی مریکی انتظامیہ دا ہن اک اینج دی دنیا دا ساہمنا اے جہڑی پوری طرحاں دے نال تبدیل ہو چکی اے۔ اوہناں نے مزیدآکھیا اے کہ دنیا پہلاں توں بوہت زیادہ مختلف اے۔ آئندہ دے لائحہ عمل دے بارے وچ گل کر دیاں ہویاں ڈاکٹر معید یوسف نے آکھیا کہ پاکستان دا وژن معاشی تحفظ ، راہداری تے ترقیاتی شراکت داری دا اے ۔ڈاکٹر معید یوسف ہوراںنے آکھیا کہ پاکستان دی اولین ترجیح اقتصادی شراکت اے۔ ،جدکہ دوجی ترجیحات وچ عالمی چیلنجاں دے نال نمٹنا، سیکیورٹی شراکت داری نوں باضابطہ بنانا تے علاقائی امن نوں یقینی بنانا شامل اے۔

اپنا تبصرہ گھلو