آرمی چیف جنرل قمرجاویدباجوہ دی امیر قطر دے نال ملاقات
اسلام آباد (پنجابی میڈیا گروپ) آرمی چیف جنرل قمرجاویدباجوہ نے قطر دا سرکاری دورہ کیتا ، ترجمان افواج پاکستان دے مطابق اپنے دورے وچ آرمی چیف نے احمد بن محمد ملٹری کالج دی پاسنگ آؤٹ پریڈ دا مشاہدہ وی کیتا۔ پا سنگ آؤٹ ہون والے کیڈٹ دی تربیت دے معیاردی تعریف کردیاں ہویاںآکھیا کہ کیڈٹس دی میدان جنگ دے چیلنجز دے نال نمٹن لئی کاوشاں قابل قدر نیں۔ دریں اثناء آرمی چیف نے امیر قطرشیخ تمیم بن حماد الثانی تے قطری نائب وزیر اعظم ، وزیردفاع خالد بن محمد العتیہتے قطری مسلح افواج دے چیف آف اسٹاف دے نال وی ملاقات کیتی۔ ملاقاتاں وچ خطے دی جیوپولیٹیکل صورتحال اتے وی تفصیلی گل بات کیتی گئی۔ پاکستان تے قطر وچ تعلقات برادرانہ تے انتہائی اہمیت دے حامل نیں۔ ملاقاتاں وچ مسلح افواج دے وچکار دفاعی تعاون ،تعلقات ودھان اتے وچار کیتا گیا۔قطری قیادت دی طرفوں باہمی اسٹرٹیجک نوعیت دے تعلقات نوں فروغ دین دے عزم دا اعادہ کیتا گیا۔





















