سینیٹ الیکشن وچ پیسے لگنا شروع ہوگئے: اعجاز شاہ
ننکانہ صاحب( پنجابی میڈیا گروپ)انسداد منشیات دے وزیر اعجاز شاہ دا آکھنااے کہ سینیٹ دے الیکشن وچ پیسے لگنے شروع ہوگئے، پی ٹی آئی چاہندی اے کہ ایوان بالا دے الیکشن وچ اوپن بیلٹ ہوئے، تریخ گواہ رہے گی سینیٹ الیکشن وچ کون دھاندلی چاہندااے۔
وفاقی وزیر اعجاز شاہ نے ننکانہ صاحب وچ میڈیا نال گل بات کر دیاں آکھیا کہ سینٹ دے الیکشن توں بعد ہر چیز ٹھیک ہو جائے گی، پی ٹی آئی تیچاہندی اے کہ سینٹ الیکشن وچ اوپن بلیٹ ہون۔ اوہناں نے آکھیاکہ کوشش ہوئے گی کہ لہور ننکانہ ٹریک اُتے ویٹریناں دی بحالی کروائی جائے، ننکانہ صاحب ریلوے دیاں زمیناں دی حفاظت کیتی جائے۔
اعجاز شاہ ہوراں آکھیا کہ ننکانہ صاحب ریلوے دی زمین اُتے جیہڑے ناجائز قبضے ہو رہے نیں اوہناںدے خلاف پالیسی بنان لئی آئے آں، ننکانہ صاحب ریلوے دی بنجر تے ویران زمیناں نوں ڈسٹرکٹ گورنمنٹ یا میونسپل کمیٹی نوں دتیاں جان، اوہناں زمیناں اُتے کھیڈن لئی گروانڈ تے بیٹھن لئی پارک بنائے جان، ایس طرح اوہناں زمیناں اُتے قبضے وی نہیں ہون گے، ترقیاتی کم اسیں سپیڈ نالکراں گے





















