مریم نواز نوں بیرون ملک جان دی اجازت نہ دینا قانون دی بالادستی اے: ڈاکٹربابر اعوان ان ہاؤس تبدیلی کوئی حلیم دی دیگ نہیں، سرکار دا فیصلہ سی سزایافتہ شخص نوں بار جان دی اجازت نہیں دینی،میڈیا نال گل بات

اسلام آباد ( بیورورپورٹ) پاکستان تحریک انصاف دے رہنما تے پچھلے وزیرقانون ڈاکٹر بابراعوان نے آکھیا اے کہ سنگین غداری کیس دے فیصلے وچ پیرا66 دے متعلق سرکار آئینی تے قانونی رستہ اختیار کرے گی، ان ہاؤس تبدیلی کوئی حلیم دی دیگ نہیں، سرکار دا فیصلہ سی سزایافتہ شخص نوں بار جان دی اجازت نہیں دینی۔پیر دے روز اسلا م آباد وچ میڈیا دے نال گل بات کردیاں ہویاں ایہناں داآکھنا سی کہ سرکار مناسب سمجھے تے مشرف کیس اتے عدالت جا سکدی اے۔

سیاسی قیادت ولوں عدالتاں نوں سچ دسن دی توقع رکھدے آں۔ اوہناں نے مزیدآکھیا اے کہ سرکار دا فیصلہ سی سزایافتہ شخص نوں بار جان دی اجازت نہیں دینی،مسلم لیگ ن دی نائب صدرنوں بیرون ملک جان دی اجازت نہ دینا قانون دی بالادستی اے۔

بابراعوان نے مزیدآکھیا کہ ان ہاؤس تبدیلی کوئی حلیم دی دیگ نہیں، اداریاں دا تصادم صرف اک بار1997وچ ہویا تے ہن ایہدے بارے وچ کوئی نہ سوچے، جدوں تیک ادارے خود مختار تے مضبوط نہ ہون ریاست نہیں چل سکدی۔