محمود چودھری نال ویاہ!بختاور بھٹو زرداری نوں حق مہر کِنا ملیا؟

کراچی( پنجابی میڈیا گروپ)پاکستان پیپلز پارٹی دے چیئر مین بلاول بھٹو زرداری دی ہمشیرہ تے سابق صدر آصف علی زرداری دی کُڑی بختاور بھٹو زرداری کجھ دن پہلاں محمود چودھری نال رشتہ ازدواج منسلک ہوئیاں سن۔ حق مہر وچ بختاور نوں 132 تولے چاندی دتی گئی۔ تفصیلات دے مطابق سابق وزیراعظم بینظیر بھٹو دی وڈی صاحبزادی بختاور بھٹو نوں دولہا محمود چودھری ولوں نکاح وچ حق مہر تے تحفے کِنے دتے گئے۔ ایس حوالے نال اگرچہ واضح طور اُتے دوناں خانداناں نے کوئی بیان جاری نہیں کیتا۔ لیکن کجھ نیڑے دے لوکاںدا کہنا اے کہ بختاور نوں حق مہر وچ محض132تولے چاندی دتی گئی۔ ارب پتی خاندان دی کُڑیدی ارب پتی خاندان نال ویاہ ہون دے باوجود اوس نوں حق مہر صرف132چاندی تولے ملن اُتے چنگے موڈ وچ ویکھینا اک حیرت اے کیونکہ حق مہر وچ ملن والی چاندی دی مجموعی قیمت ایس وقت2لکھ روپے تک بندی اے۔

اپنا تبصرہ گھلو