زرعی یونیورسٹی فیصل آباد!بھنگ دی لکڑی نال جراثیم توں پاک کپڑے دی تیا ری
فیصل آباد( پنجابی میڈیا گروپ)زرعی یونیورسٹی فیصل آباد تے یو ایس گروپ لہور دے درمیان اک یادداشت اپتے دستخط ہوئے نیں جس نال دوناں ملکاں وچ بھنگ دی لکڑی دی چھال توں دھاگہ تیار کر کے اوس نال جراثیم توں پاک کپڑا تیار کرن لئی سانجھیاں کوشیشاں کرن گے۔ زرعی یونیورسٹی فیصل آباد ولوں وائس چانسلر پروفیسر ڈاکٹر آصف تنویر جدکہ عمرصدیق گروپ لہور ولوں ڈائریکٹر مارکیٹنگ سپلائی چین و آر اینڈ ڈی مسٹر ملک محمد عمران نے یادداشت اُتے دستخط کیتے۔ ایس موقع اُتے خطاب کردیاں ڈاکٹر آصف تنویر ہوراں آکھیا کہ پوری دنیا وچ بھنگ نال30توں ودھ ویلیوایڈڈ مصنوعاتاں تیار کیتیا ںجان گیاں جدکہ ایس ادویہ سازی وچ کلیدی اہمیت حاصل اے۔ اوہناں آکھیا کہ اگرانومی دے شعبے وچ اسیں ایسجڑی بوٹی دے نام توں جاندے آںلیکن ہن ایس توں فائدہ حاصل کرن لئی ایس دی کوالٹی پروڈکشن اُتے تحقیق و ترقی دا کم کیتا جاناچاہیدا اے۔ عمرصدیق گروپ دے ڈائریکٹر ملک محمد عمران ہوراں آکھیا کہ ملک بھر وچ بھنگ جڑی بوٹی بوہت وڈی تعداد وچ موجود اے جس دی لکڑی دی چھال لا کے ایس توں اعلی کوالٹی دا فائبر حاصل کیتا جا سکدا اے۔ اوہناں آکھیا کہ ابتدائی طور اُتے اسیں20فیصد بھنگ دا فائبر80کپاس دے دھاگے دے نالملا کیکپڑا تیار کر رہے آں جس نال انسانی جسم اُتے جراثیم پیدا نہیں ہندے۔ اوہناں آکھیاکہ ایس فائبر دیذریعے ملک وچ کپاس گھٹن دے مسائل اُتے قابو پایا جا سکدا اے۔ اوہناں ہوراں آکھیا کہ دُنیا بھر وچ متبادل دھاگے دی تیاری اُتے فوکس کیتا جا رہیا اے تاکہ کپاس دی محدود پیمانے اُتے کاشت دی وجہ نال دھاگے گھٹن دے متبادل تیار کیتا جائے۔ تقریب وچ رجسٹرار عمرسعید قادری، ڈین کلیہ فوڈ اینڈ ہوم سائنسز پروفیسر ڈاکٹر مسعود صادق بٹ، ڈائریکٹر اورک پروفیسر ڈاکٹر ظہیر احمد ظہیر، پرنسپل آفیسر شعبہ تعلقات عامہ پروفیسر ڈاکٹر محمد جلال عارف، ڈائریکٹر ایکسٹرنل لنکجز پروفیسر ڈاکٹر اشفاق احمد چٹھہ، مینیجرانڈسٹریل لنکجز اورک ڈاکٹر خرم ضیا تے چیئرمین فائبر ٹیکنالوجی ڈیپارٹمنٹ ڈاکٹر اسد فاروق نے رلت کیتی۔





















