پاک فضائیہ دا طیارہ کورونا ویکسین لے کے پاکستان اپڑ گیا
اسلام آباد(پنجابی میڈیا گروپ)پاک فضائیہ دا طیارہ کورونا ویکسین دی پہلی کھیپ لے کے چین توں پاکستان اپر گیا۔خصوصی طیارہ چین توں ویکسین دی پنج لکھ خوراکاں لے کے اسلام آباد اپڑیا۔ معاون خصوصی فیصل سلطان نے کورونا ویکسین وصول کیتی۔معاون خصوصی ڈاکٹر فیصل سلطان نے سماجی رابطے دی ویب سائٹ اتے ٹویٹ کردیاں ہویاں آکھیا اے کہ سائنو فارم ویکسین دی پہلی کھیپ پاکستان اپر گئی، ویکسین لئی انتھک محنت کرن والے ہر شخص دا شکرگزارواں۔ کرونا دامقابلہ کرن وچ این سی او سی تے صوبیاں نے اہم کردار ادا کیتا۔ ویکسین سبھ توں پہلاں فرنٹ لائن ہیلتھ ورکرز نوں لگائی جاوے گی۔دوجے پاسے نیشنل کمانڈ اینڈ آپریشن سینٹر این سی او سی نے ایس حوالے دے نال اپنی حکمت عملی تیار کر لئی۔ این آئی ایچ اسلام آباد وچ ویکسین رکھنے لئی سارے اقدامات چکے گئے۔ صوبائی تے ضلعی سطح اتے ویکسین کوآرڈینیشن مراکز وی قائم کیتے گئے نیں۔





















