پی ڈی ایم دی کھوکھلی سیاست اپنی موت آپئی مر گئی: عثمان بزدار

لہور(پنجابی میڈیا گروپ)وزیراعلی عثمان بزدار نے آکھیا اے کہ استعفیاں تے لانگ مارچ دی کھوکھلی سیاست اپنی موت آپ مرچکی اے پہلاں و ی آکھیا سی کہ ایہناں لوکائی وچ ہمت اے نہ حوصلہ۔ وزیراعلی پنجاب عثمان بزدار نے اپنے بیان وچ آکھیا اے کہ کرپشن دی دلدل وچ دھنسے عناصر صرف خالی نعرے لگا سکدے نیں۔ ایہناں لوکائی وچ عمل کرن دی صلاحیت ای نہیں۔ ماضی وچ وی ایہہ ٹولہ مل کے ملک نوں نوچدا رہیا۔ نئے پاکستان وچ کرپٹ سیاستداناں لئی کوئی گنجائش نہیں۔ عثمان بزدار ہوراں نے مزیدآکھیا اے کہ رد شدہ عناصر دا کوئی سیاسی مستقبل نہیں۔ پی ڈی ایم دی قیادت دے اترے چہریاں توں مایوسی عیاں اے۔ ایہہ عناصر پاکستان وچ انتشار پھیلا کے دشمن دے ایجنڈے نوں پورا کرنا چاہندے سن۔ اوہناں نے آکھیا اے کہ اپوزیشن دی قسمت وچ ہن رونا ای لکھیا اے۔

اپنا تبصرہ گھلو