اینج دے ماحول وچ مذاکرات نہیں ہوندے :فوادچودھری
اسلام آباد ( پنجابی میڈیا گروپ ) وفاقی وزیر برائے سائنس و ٹیکنالوجی فواد چوہدری داآکھنا اے کہ سرکار تے اپوزیشن وچ بڑی تخلیاں نیں ،انج دے ماحول وچ مذاکرات نہیں ہوندے ۔اسلام آباد وچ میڈیا دے نال گل بات کردیاں ہویاں وفاقی وزیر فوادچودھری داآکھنا سی کہ کل 31جنوری سی لوکائی دا خیال سی انقلاب آجاوے گا کل بڑے لوکائی دے خواب چکنا چور ہوئے نیں۔ میں تاں پہلاں ای آکھ رہیا سی کہ سبھ لوکائی اپنی اپنی تنخواہاں اتے کم کرن گے۔ سانوں سیاسی شعور تے پاکستان وچ اصلاحات دی لوڑ اے۔ وزیر سائنس و ٹیکنالوجی داآکھنا سی کہ اپوزیشن نوں دیوار دے نال لگان دا سرکار دا موقف نہیں ہونا چاہیدا ۔فواد چودھری ہوراں نے مسلم لیگ ن دے قائدمیاں نوازشریف نوں تنقید دا نشانہ بناندیاں ہویاں آکھیا ے کہ جتنا نقصان نواز شریف نے پنجاب نوں پہنچایا کسی نے نہیں پہنچایا، نواز شریف نے 18 ویں ترمیم اتے صرف تیجی واری وزیراعطم بنن لئی دستخط کیتے نیں۔، نواز شریف نے صرف ایس مقصد لئی پنجاب دی پیٹھ وچ خنجر گھونپ دتا۔اوہناں نے مزیدآکھیا اے کہ سرکار تے اپوزیشن وچ بڑی تخلیاں نیں ،انج دے ماحول وچ مذاکرات نہیں ہوندے۔





















