اجےوی استعفیاں دی آپشن اُتے قائم آں: رانا ثنااللہ

لہور( پنجابی میڈیا گروپ)مسلم لیگ (ن)دے سینئر رہنما رانا ثنااللہ داآکھنا اے کہ ہن وی استعفیاں دی آپشن اتے قائم آں۔نجی ٹی وی دے نال گل بات کردیاں ہویاں رانا ثناء اللہ نے آکھیا اے کہ استعفیاں دے حوالے دے نال پی ڈی ایم اجلاس وچ قائل کرن دی کوشش کر اں گے تے چار فروری نوں پی ڈی ایم اجلاس وچ لانگ مارچ دی تاریخ مارچ وچ رکھن دی تجویز دیاں گے۔ دوجے پاسے سرکار نے اپنے استعفے دی بجائے اپوزیشن کولوں استعفیاں دی فرمائش کردتی اے۔ مشیر پارلیمانی امور بابر اعوان نے آکھیا اے کہ ہیلو پی ڈی ایم؟ تہاڈے استعفے کس سال دی 31 جنوری نوں آن گے؟ علاوہ ازیں وفاقی وزیرمنصوبہ بندی اسد عمردا کہنا سی کہ جہڑے استعفے مونہہ اتے مارنے سن اوہ کتھے گئے؟کدرے اپنے ای مونہہ اتے تے نہیں مار لے۔

اپنا تبصرہ گھلو