ڈینئل قتل کیس:سپریم کورٹ دا عمر شیخ نوں ڈیتھ سیل توں فوری کڈن دا حکم
اسلام آباد(بیورورپورٹ)سپریم کورٹ نے امریکی صحافی ڈینیل پرل قتل کیس وچ عمر شیخ نوں ڈیتھ سیل توں فوری کڈن دا حکم دیندیاں ہویاں ملزمان نوں دو دن عام بیرک وچ رکھ کے سرکاری ریسٹ ہائوس وچ منتقل کرن دے احکامات جار ی کردتے نیں جدکہ ملزم نوں کراچی وچ فیملی دے نال آرام دہ رہائش تے ٹرانسپورٹ دی سہولیات دی فراہم دے نال سارے اخراجات سندھ سرکار نوں برداشت کرن دا وی حکم دے دتا اے۔ عدالت عظمیٰ نے اپنے حکم وچ قرار دتا کہ دو دن وچ سارے ضروری انتظامات کیتے جان تے ایہناں دو دناں تیک عمر شیخ نوں جیل د ے اندر آرام دہ ماحول وچ رکھیا جاوے۔ احمد عمر شیخ نوں ریسٹ ہاؤس وچ بار دی دنیا توں رسائی دی سہولت نہ دتی جاوکے جدکہ احمد عمر شیخ نوں صبح توں شام پنج وجے تیک فیملی دے نال ملاقات دا ویلا وی دتا جاوے۔ عدالت نے مزیدریمارکس دتے کہ افواج دی قربانیاں توں انکاری نہیں پر اسیں آئین دے پابند آں۔عمرشیخ تے دیگر زیرحراست افراد نوں ملزم نہیں آکھیا جا سکدا۔کیس دی سماعت جسٹس عمر عطا بندیال دی سربراہی وچ تن رکنی بنچ نے کیتی۔ بعد ازاں معاملہ دی سماعت غیر معینہ مدت لئی ملتوی کر دتی گئی اے۔





















