پیپراں دا ٹائم گھٹ کر دتا گیا:سعید غنی
کراچی( پنجابی میڈیا گروپ)سعید غنی آکھیا اے بالاں دی تعلیم دے نقصان دا ازالہ کرنا چاہنے آں، امتحاناں دا دورانیہ 3گھنٹے توں گھٹ کرکے 2گھنٹے کر دتا، سوالاں دا طریقہ کار تبدیل کیتا، نویں طریقہ کار دا امتحانی ماڈل پیپرز جلد جاری کر دیاں گے۔صوبائی وزیر سعید غنی نے سندھ اسمبلی وچ پریس کانفرنس کردیاں آکھیا نویں طریقہ کار دا امتحانی ماڈل پیپرز جلد جاری کر دیاں گے، کالجاں وچ 13ہزار 966کورونا ٹیسٹ کر چکے آں، کالجاں وچ کیتے جان والے ٹیسٹاں وچوں 266مثبت کیسز نیں، کورونا مثبت کیساں پاروں 2کالجز بند کیتے نیں۔ اوہناں آکھیا سکولاں وچ 11ہزار 845کورونا ٹیسٹ کیتے جہناں وچوں 546مثبت آئے، کوشش اے تعلیمی اداریاں وچ ٹیسٹاں دا عمل تیز کیتا جائے، کوشش اے روزانہ ودھ توں ودھ کورونا ٹیسٹ کر سکیے۔ سعید غنی دا کہنا سی سندھ دے محکمہ تعلیم نے بہت کم کیتا اے ، جہڑے سکولاں دی نہ بلڈنگ اے نہ اساتذہ تے طلباء اوہناں نوں فہرست توں کڈھ رہے نیں۔





















