عوامی طاقت دے نال آن والے لوکائی نوں جواب دہ ہوندے نیں، مریم نواز
لہور (سٹی رپورٹر ) مسلم لیگ (ن) دی نائب صدر مریم نواز نے آکھیا اے کہ مسلم لیگ (ن) تے باقی جماعتاں استعفے دین اتے یقین رکھدیا ں نیں، استعفے دینے چاہیدے نیں تے ضرور دینے چاہیدی نیں۔ لانگ مارچ اتے ساریاں پی ڈی ایم دی جماعتاں دا اتفاق اے۔ ایہناں خیالات دا اظہار اوہناں نے جاتی امراء توں اسلام آباد روانگی دے موقع اتے گل بات کردیاں ہویاں کیتا۔ نائب صدر مسلم لیگ ن مریم نوازہوراں نے آکھیا کہ ہر روز مہنگائی وچ اضافہ ہورہیا تے لوکائی بلبلا اٹھے نیں۔ وزیر اعظم عمران خان دی ترجیحات وچ عوام شامل نہیں، ایہناں دی ترجیحات وچ صرف تے صرف اپوزیشن نوں تنقید تے انتقام دانشانہ بنانااے۔ عوام نوں اوہ جواب دیندے نیں جنہیں منتخب کرو، اک نالائق تے ناہل شخص نوں اقتدار وچ لے آیا گیا اے۔ مریم نوازنے مزیدآکھیا اے کہ 4فروری نوں استعفیاں دا کیہ طریقہ کار ہ ووے گا ایہدا فیصلہ کیتا جاوے گا۔





















