لہور:امام مسجد دے قتل وچ بیوی ملوث
لہور( پنجابی میڈیا گروپ) پلس نے شالیمار دے علاقے وچ امام مسجد دے قتل دی گتھی سلجھا لئی۔ پلس نے قتل وچ ملوث امام مسجد دی بیوی نوں گرفتار کر لیا۔ پلس دے مطابق ملزمہ نادیہ امام مسجد دے قتل وچ ملوث ہون دا ثبوت ملن دے بعد گرفتار کیتی گئی۔ ملزمہ نادیہ دے ملوث ہون دا بیان اوہدے آشنا نے دتا۔ 28جنوری نوں لہور دی ملتانی کالونی وچ واقع شالیمار مسجد نال ملحقہ کوارٹر توں اک بندے دی لاش ملی سی۔ مقتول دی شناخت آصف ولد مرید حسین دے ناں توں ہوئی جہڑا شالیمار مسجد وچ امام سی۔ ابتدائی تحقیقات دے مطابق اک رات پہلاں نامعلوم بندے آصف نال کوارٹر وچ ملن آئے س۔ اوہناں نے آصف نوں تیز دھار آلے نال گلا وڈھیا تے فرار ہو گئے سن۔
Load/Hide Comments





















