قومی اسمبلی وچ ہنگامہ: پیپلز پارٹی تے پی ٹی آئی وچ ہاتھا پائی
اسلام آباد( پنجابی میڈیا گروپ)قومی اسمبلی دا اک ہور ہنگامہ خیز اجلاس وچ اپوزیشن ارکان نے شور شرابہ کیتا تے سپیکر ڈیسک نوں گھیرلیا۔ پیپلز پارٹی تے پی ٹی آئی دی آپس وچ ہاتھا پائی وی ہوئی، آغا رفیع اللہ دے دھکے نال پی ٹی آئی رکن عطا اللہ ڈگ پئے۔قومی اسمبلی دے اجلاس وچ وفاقی وزیر توانائی عمر ایوب ولوں پچھلیاں حکومتاں اُتے تنقید کیتے جان اُتے اپوزیشن نے شدید احتجاج کیتا جس نال ایوان مچھلی بازار بن گیا۔عمر ایوب نے چیلنج دتا کہ اپوزیشن وچوںکوئی الیکشن لڑنا چاہندا اے اے میرے حلقے توں لڑے، میں مسلم لیگ (ن) نوں40ہزار ووٹاں توں ہرا کے اسمبلی وچ آیا واں۔وفاقی وزیر دے بیان اُتے اپوزیشن دے سارے ارکان نشستاں توں کھڑے ہوگئے تے شدید احتجاج کیتا، اراکین نے ایجنڈے دیاں کاپیاں پھاڑ دتیاں تے ڈائس وجاندے رہیے جس نال ایوان وچ شدید شور شرابا ہوئیا تے کن پئی آواز وی سنائی نہ دتی۔اپوزیشن اراکاناں نے اسپیکر ڈائس نوں گھیر لیا، گو عمران گو تے آٹا مہنگا روٹی مہنگی دے نعرے مارے۔اپوزیشن دی ہلڑ بازی دے دوران قومی اسمبلی وچ کئی ارکان دھکے وجن نال ہی ڈگ پئیجد کہ اپوزیشن رکن سید نوید قمر نے ڈپٹی اسپیکر دا مائیک اتار دتا۔اسپیکر ڈائس دے ساہمنے حکومتی تے اپوزیشن ارکان آپس وچ لڑ پئیجس توں بعد ڈپٹی اسپیکر نے اجلاس دی کارروائی نماز ظہرلئیمعطل کر دتی۔





















