پچھلے شعبدہ باز حکمراناں دے دعوے صرف فائلاں تک محدود رہے: فردوس عاشق

لہور( پنجابی میڈیا گروپ)فردوس عاشق آکھیا اے ماضی دی شوبازیاں دا عوامی خدمت نال مقابلہ کیتا جا رہیا اے۔ ماضی دے شعبدہ باز حکمراناں دے دعوے صرف دعویاں تے فائلاں تک محدود رہے۔ معاون خصوصی اطلاعات فردوس عاشق نے اپنے ٹویٹ وچ آکھیا اے وزیراعلیٰ عثمان بزدار دی ہدایت تے پنجاب بھر وچ ریونیو عوامی خدمت کھلی کچہریاں دا انعقاد کیتا جا رہیا اے، عوامی سہولت دے پیش نظر اک ای چھت تھلے ریکارڈ درستگی، ڈومیسائل، فرد، انتقالات دا اجرا تے ریونیو بارے دوجی اہم سہولتاں دی فراہمی یقینی بنائی جا رہی اے۔ فردوس عاشق آکھیا ماضی وچ دور دراز علاقیاں وچ رہائش پذیر بندیاں نوں مسئلیاں دے حل لئی بار بار دفتراں دے چکر لگوائے جاندے، پر بزدار حکومت اپنے شہریاں دی سہولت نوں مدنظر رکھدیاں ہویاں مسئلیاں نوں اوہناں دی دیلیز تے حل کرن لئی دن رات کوشاں اے۔

اپنا تبصرہ گھلو