پاکستان نے ہمیشہ کشمیریاں لئی آواز بلند کیتی ، شیخ رشید احمد

اسلام آباد (پنجابی میڈیا گروپ) وزیر داخلہ شیخ رشید احمد نے آکھیا اے کہ پوری قوم مظلوم کشمیریاں دے نال یکجہتی دا اظہار کر رہی اے۔ پاکستان نے ہمیشہ ہر فورم اتے کشمیریاں دے حق وچ آواز بلند کیتی اے ۔ یوم یکجہتی کشمیر دے موقع اتے اپنے پیغام وچ شیخ رشید احمد نے آکھیا اے کہ پاکستان نے ہمیشہ ہر فورم اتے کشمیریاں دے حق وچ آواز بلند کیتی اے ۔ بھارت دے فاشسٹ چہرے نوں ہر سطح اتے بے نقاب کیتا اے۔ شیخ رشیداحمد ہوراں نے آکھیا ست دہائیاں توں اک کروڑ مظلوم کشمیری دنیا دا ضمیر جاگن دے منتظر نیں۔ اج غاصب بھارت دے خلاف عملی اقدامات دا ویلا آچکیا اے۔ تقریب دے نال خطاب کردیاں ہویاں شیخ رشید احمد نے آکھیا اے کہ مولانا فضل الرحمان ہن کدی راولپنڈی داناں نہیں لین گے، تفصیلات دے مطابق پی ڈی ایم اتحاد ولوں26 مارچ نوں اسلام آباد ول سرکار مخالف مارچ کرن دا اعلان کیتا گیا اے۔ ایس سارے معاملے اتے وفاقی وزیر داخلہ شیخ رشید احمد ولوں ردعمل دتا گیا اے۔ وزیرداخلہ نے آکھیا ے کہ مولانا فضل الرحمان ہن کدی راولپنڈی داناں نہیں لین گے۔ پی ڈی ایم دے مارچ دے نال سرکار نوں کوئی فرق نہیں پے گا۔ پی ڈی ایم والے اسلام آباددا چکر لگا کے واپس ٹر جان گے۔ اسیں جمہوریت نوں مزید مضبوط کرن گے۔ میں خواہش رکھناواں کہ مولانا فضل الرحمان خیبرپختونخواہ ، بلوچستان وچ سینیٹ دے الیکشن وچ حصہ لین، تاکہ جمہوریت مضبوط ہوئے۔

اپنا تبصرہ گھلو