بھارت کشمیریاں اُتےظلم بند کرے: عمران خان

اسلام آباد(پنجابی میڈیا گروپ )وزیر اعظم عمران خان نے آکھیا اے کہ بھارت کشمیریاں اتے بہیمانہ جبر بند کرکے اپنی ذمہ داریاں پوری کرے، پاکستان اقوام متحدہ دے چارٹر اتے اقوام متحدہ دی سلامتی کونسل دی متعلقہ قرار داداں دے مطابق ناقابل تنسیخ تے جائز حق خود ارادیت دے حصول تیک کشمیریاں دے نال یکجہتی وچ غیر متزلزل روے گا، عالمی برادری جموں و کشمیر وچ انسانیت دے خلاف جرائم اتے بھارت دا احتساب کرے۔ سماجی رابطے دی ویب سائٹ اتے وزیراعظم عمران خان دے آفس ولوں جاری ہون وہالے بیان وچ اوہناں نے آکھیا اے کہ بھارت کشمیریاں اتے بہیمانہ جبر بند کرکے اپنی ذمہ داریاں پوری کرے،ایہہ جنوبی ایشیا وچ پائیدار امن تے سلامتی لئی ناگزیر اے۔پاکستان عالمی برادری دے نال اک واری فیر ایہہ مطالبہ کردا اے کہ اوہ بھار ت دے غیر قانونی قبضہ وچ جموں وکشمیر وچ انسانیت دے خلاف جرائم اتے بھارت دا احتساب کرے۔ عمران خان ہوراں نے مزیدآکھیا اے کہ جبری طور تے حراست وچ لے گئے تے غیر قانونی قید وچ رکھے گئے سارے کشمیریاں نوں فوری رہا کیتا جاوے تے قابض بھارتی فوجیاں نوں ایہناں دے غیر قانونی اقدامات اتے قانونی کارروائی توں استثنیٰ فراہم کرن والے سارے ڈریکولائی قوانین نوں فوری طور تے ختم کیتا جاوے۔ کشمیریاں اتے اوہناں دی زمین ای تنگ کردتی گئی اے۔ جہڑا جنیوا کنونشن دی خلاف ورزی اے۔

اپنا تبصرہ گھلو